Storja
STORJA TAL-KLABB REGATTA BIRZEBBUGA
Il-bidu tas-seklu 20, Birzebbuga kienet ferm popolari ma nies tal-Kottonera bhala post ghal vileggatura matur ix-xhur tas-sajf. B’din l-influwenza kollha mit-tlett ibliet tal-Kottonera, ma setax jonqos illi tnissel interess fir-regatta fost il-poplu ta’ Birzebbuga. Ma dan wiehed ghandu jzomm quddiem ghajnejh li l-Birzebbugin kienu maghrufin sew ghall-isport tal-bahar, specjalment ghat-tigrijiet tad-dghajjes bil-qlugh.
Dan kollhu ghen u wassal biex jitwaqqaf kumitat bil-ghan li Birzebbuga tibda tiehu sehem bhala distrett organizzat, fir-Regatta tal-Vitorja. Il-fundatur ta’ dan id-distrett huwa s-Sur Mabbli Vella. Il-familja ta’ Mabbli kienet wahda minn dawk il-familji li semnmejna, li mill-Kottonera (ezattament mill-Isla) gew joqghodu Birzebbuga. Mabbli kien emigra lejn l-Amerika, izda ta’ spiss kien jigi jzur art twelidu. F’wahda minn dawn iz-zjarat, fis-sajf ta’ l-1971, iltaqa ma xi hbieb tieghu u qabel telaq qallhom li meta jerga jigi lura Malta, huwa ried isib id-dghajjes tar-Regatta. L-Ghaqda twaqqfet dik is-sena stess permezz ta’ Laqgha li nzammet fid-19 ta’ Settembru 1971 fis-sede ta’ l-Azzjoni Kattolika u semmewa Ghaqda 8 ta’ Settembru Regatta. Il-Laqghat tal-kumitat kienu jsiru fil-hanut, li missier Mabbli kellhu fi Pretty Bay, bl-isem ta’ Bay View Bar. Id-Distrett ta Birzebbuga gie affiljat fl-8th September Regatta Association f’Laqgha tal-Kunsill li saret nhar il-Gimgha l-1 t’Ottubru 1971.
Dan il-kumitat beda jahdem biex jakkwista l-opri u xtara l-ewwel dghajsa tal-Midalji bl-isem ta’ Santa Marija. Iktar tard giet mixtrija dghajsa tal-Pass bl-isem ta Lady of Lourdes minghand Toni Ellul il-koj, li min jaf kemm rebah paljijiet bija mad-Distrett tar-Rahal Gdid. Giet provduta wkoll il-frejgatina Blue Star minghand l-Imghallem Guzi Aquilina tar-Ratal. Bosta zghazagh urew interess biex jibdew jitharrghu fl-isport tal-qdif u jiffurmaw l-ewwel ekwipaggi tad-Distrett ta’ Birzebbuga. It-training kien isir mill-moll ta’ Pretty Bay sa Delimara u lura. Intaghzlu wkoll il-kuluri tad-Distrett, l-blu car, l-ahmar u l-abjad - kuluri li kienu sinonimi ma Birzebbuga. Is-sinjal kien blu car b’faxx ahmar u abjad. Id-dghajjes inzebghu blu car b’faxx ahmar u abjad fil-forma ta mewga, bl-isem ta’ B’Bugia fin-nofs u l-arma ta’ Birzebbuga mal-pruwwa. Maz-zmien id-disinn tad-dghajjes inbiddlu kemm il-darba. Gieli inzebghu fil-faxxi tradizzjonali u gieli b’faxxi orizzontali, izda dejjem bit-tlett kuluri l-blu car, l-ahmar u l-abjad.
L-ewwel partecipazzjoni fir-regatta sehhet fit-8 ta’ Settembru 1972 fejn id-distrett ta’ Birzebbuga ha sehem fil-korsi tal-Midalji, frejgatini, ta’ bi tnejn u ta’ bl-erbgha. F’dik is-sena il-gazzetti irrapurtaw li “l-qaddiefa ta’ Birzebbuga urew spirtu u determinazzjoni kbira izda sofrew minn nuqqsas ta’ esperjenza. Birzebbuga li ghalkemm ma rebhu ebda palju marru tajjeb f’tal-Midalji u ta’ bl-erbgha” (l-Orizzont 9 ta’ Settembru 1972).
Fuq l-Orizzont tat-3 ta’ Settembru 1974 giet ippublikata intervista mas-Sur Izzo (Vici President) fejn fost l-ohrajn qal li x-xewqa tieghu kienet li jibda x-xoghol fuq pjanta li l-kumitat kellhu biex jinbena club ghad-dilettanti tad-dghajjes u ta’ l-ibburdjar, u temm jghid hekk: “huwa xieraq li ahna, bhall kull club iehor li qed jiehu sehem fir-Regatta jkollna post addattat fejn inzommu id-dghajjes taghna”. Talba li ghada validissima sal-gurnata tal-lum.
Fl-1976 beda jberraq fuq id-distrett ta’ Birzebbuga. L-Orizzont tas-7 ta’ Setembru 1976 hareg bit-titlu “Birzebbuga – kien ghoddom irtiraw”. Skond Anthony Muscat (membru fil-kumitat) kien hemm nuqqas kbir ta’ nteress fost il-qaddiefa, pero l-qofol tal-problema kienet in-nuqqas ta’ post adekwat fejn jinzammu l-opri u fejn jiltaqghu il-qaddiefa. Il-gvern kien offra wahda mit-tined li kien hemm Kalafrana izda din kienet il-boghod wisq minn fejn kien isir it-training. Minkejja dawn il-problemi kolllha kien hemm fiducja kbira fil-frejgatina l-gdida li kienet ghada kif saret. Minbarra bil-frejgatina, Birzebbuga hadet sehem ukoll bil-kajjik u b’ta bl-erbgha. F’din il-hames partecipazzjoni Birzebbuga regghu fallew milli jirbhu xi palju, u dan kompla jitfa lura il-hegga fost il-Birzebbugin.
Pero l-affarjiet ma kienux mietu izda raqdu. Il-gibda lejn ir-regatta baqet tnemnem fi qlub ta’ xi Birzebbugin. Kollox rega’ beda nhar l-Erbgha, 8 ta’ Settembru 2004, meta xi dilettanti minn Birzebbuga kienu qed isegwu it-tigrijiet mil-ponta ta’ l-Isla. Dawn tkellmu dwar il-possibilta li d-dghajjes bil-kuluri ta’ Birzebbuga jergghu jidhru fil-kanal. Fil-fatt il-Hamis, 16 ta’ Settembru 2004 iltaqghu fis-Seaside Bar & Restaurant. Kullhadd kien konxju li din kienet sfida kbira u ma kienetx facli li titwettaq.
Il-kelma bdiet tinxtered, minn favur, min kontra, min xettiku u min jghid li din se terga tkun furja. Gie ffurmat kumitat provizorju u bdew isiru il-laqghat regolarment. Saru wkoll laqghat ma xi Clubs tar-regatta u f’dawn il-laqghat sirna nafu iktar x’jirrikjedi Club tar-regatta. Kien hemm mumenti li konna se naqtghu qalbna, izda ahna bqajna nsostnu u nzommu quddiem ghajnejna li t-tfal ta’ Birzebbuga m’ghandhom xejn inqas minn haddiehor u komplejna mexjin bil-pjan taghna. Gie avvicinat ukoll l-imaghllem Guzi Aquilina (tar-ratal), u huwa mill-ewwel wera li kien se jghina u li se jkun disponibbli biex nibnu sett gdid ta’ dghajjes. Pero, b’dieqa kbira, Guzi r-Ratal halla din id-dinja xi hmistax wara.
Il-Kumitat provizorju beda jifffaccja zewg problemi krucjali – biex jigu akkwistati id-dghajjes u post fejn dawn jinzammu. Zvolta pozittiva kienet, meta is-Sur Joe Camilleri (ta’ Pazzi) , offra li jislef garaxx fil-Qajjenza, quddiem il-bahar. B’hekk issa kull ma kien jonqos kien li jinxtraw l-opri u ghall dan il-ghan gew avvicinati diversi clubs biex naraw jekk setghux ibieghu xi dghajjes milli kellhom.
Sadanittant, il-kumitat provizorju beda l-kuntatti ma l-Ghaqda Regatta Nazzjonali u mal-Kummissjoni Festi Nazzjonali, fejn it-tnejn li huma dehru herqana li jilqghu lura lil Birzebbuga. Kien wasal iz-zmien biex jibdew il-preparamenti ghall-Laqgha Generali. Gie fformulat statut u giet iddisinjata l-arma tal-Klabb. Il-gurnata maghzula kellha tkun dik tal-Hadd, 7 ta Novembru 2004. Il-Kunsill Lokali laqa’ it-talba biex il-Laqgha issir fis-Sala tal-Kunsill. Twahhlu posters fil-Kazini u fil-hwienet ta Birzebbuga u saru diversi avvizi fuq l-Energy FM.
Is-7 ta’ Novembru 2004 waslet. Kienet gurnata ta’ xita, izda kienet ukoll il-gurnata storika fejn kellhu jerga jitwaqqaf il-Klabb Regatta Birzebbuga. Attendenza sodisfacenti kienet prezenti ghall-Laqgha li bdiet fid-9.30a.m. Fosthom kien hemm is-Sindku ta’ Birzebbuga, tlett kunsillieri, is-Segretarju ta l-Ghaqda Regatta Nazzjonali u gurnalist ta gazzetta lokali. Bdew jissiehbu ukoll l-ewwel membri fil-klabb.
Il-Laqgha infethet mill-President Anton Cutajarl li ghamel diskors ta merhba. Wara gie approvat l-Istatut tal-Klabb, u f’dak il-mument rega’ twaqqaf ufficcjalment il-Klabb Regatta Birzebbuga. Kien imiss li jinhatar il-Kumitat fejn Anton Cutajar gie approvat bhala President, Justin Ebejer Segretatrju, Alex Azzopardi Tezorier, Anthony D’Amato Direttur tad-daghjjes u Robert Camilleri, Edward Ferriggi, Michael Ferriggi, Conrad D’Amato, Lawrence Borg, Simon Micallef, Ian Polidano, Simon Vella u Marco Bonnici bhala membri. L-ewwel Laqgha tal-Kumitat saret nhar l-Erbgha, 10 ta’ Novembru 2004 fil-garaxx tas-Sur Anthony D’Amato, fi Triq San Filippu. Dakinhar inaghtaw diversi karigi u bdiet ufficcjalment il-hidma tal-Kumitat tal-Klabb Regatta Birzebbuga.
Jinxtraw l-ewwel zewg daghjjes
Nhar l-Erbgha, 29 ta’ Dicembru 2004 ingiebu f’Birzebbuga l-ewwel zewg dghajjes tal-Klabb. Dawn kienu Kajjik u Frejgatina li nxtraw mill-Klabb tar-Regatta tal-Birgu. Kif waslu Birzebbuga ittiehdu fil-garaxx tal-Qajjenza fejn diversi persuni hadmu bla heda biex dawn id-daghjjes jinzebghu bil-kuluri ta Birzebbuga. Il-Frejgatina giet varata ghall-ewwel darba fl-inhawi tal-Qajjenza nhar il-Hadd, 30 ta’ Jannar 2005 u minn dakinhar beda it-tahrig tal-qaddiefa. Il-Kajjik gie varat ftit jiem wara. Nhar is-6 ta’ Marzu 2005, dawn l-opri gew ipprezentati mill-benefatturi taghhom u mbierka mill-Kappillan Dun Nikol Pace fuq iz-zuntier tal-Knisja.
Regatta ta’ Jum il-Helsien 2005
Nhar il-Hamis, 31 ta’ Marzu 2005 wara nofsinhar, fil-Port il-Kbir, id-distrett ta’ Birzebbuga iddebutta fir-Regatta ta’ Jum il-Helsien. Il-partecipazzjoni kienet limitata ghall-zewg opri, il-kajjik u l-frejgatina. Ghalhekk kellna nistennew sat-tielet tigrija biex naraw il-kuluri taghna, l-ikhal, l-abjad u l-ahmar fil-kanal. Din kienet it-tigrija tal-kajjiki kategorija reserves . Ghalkemm ma plejsjajna fl-ebda tigrija, ir-rizultat kien sodisfacenti ghalina, u harisna l-quddiem b’ottimizmu. Kellna kliem ta tifhir ghall-qlubija li wrew il-qaddiefa taghna
Fir-Regatta ta’ Jum il-Helsien li saret nhar is-Sibt, 31 ta’ Marzu 2007 gewwa l-Port il-Kbir, id-Distrett ta’ Birzebuga kiseb l-ewwel rebha tieghu, meta fit-tigrija ghad-Dghajjes tal-Pass b’zewg Imqadef, il-crew kompost minn John Martin Mifsud u Joseph Flask dahlu fl-ewwel post f’hin ta’ 5 minuti u 49 sekonda. F’dik ir-regatta Birzebbuga giet ukoll it-Tieni fit-tigrija ghad-Dghajjes tal-Pass b’erba’ mqadef. B’total ta’ 36 punt spiccajna fit-tieni post, erba’ punti biss il-boghod mir-rebh tas-Shield.
Birzebbuga jirbhu ir-Regatta tal-Vitorja 2008 (Kategorija B)
Ir-Regatta tal-Vitorja 2008, se tibqa imfakkra mill-poplu ta’ Birzebbuga, ghax id-Distrett ta’ Birzebbuga rebah is-Shield tal-Kategorija B, u ghall-ewwel darba fl-istorja, is-Shield harget minn gol-Port il-Kbir. Kienet regatta li fijha id-distrett ta’ Birzebbuga iddomina mill-bidu sa l-ahhar fejn intrebah il-Palju ta’ l-ewwel fit-Tigrija ghad-Dghajjes tal-Pass b’zewgt imqadef (Clayton Fiteni u Joseph Flask), f’tal-Midalji (Gino Viacava, Clayton Fiteni, Joseph Flask u Charles Gauci), fil-Frejgatina (Gino Viacava, Twanny Viacava u t-tmunier Leonie Azzopardi) u fid-Dghajjes tal-Pass b’erba’ mqadef (Louis Bonello, Clayton Fiteni, Joseph Flask u Charles Gauci). Intrebah ukoll palju tat-Tieni fit-Tigrija tal-Kajjiki (Louis Bonello u Clifford Curmi). Dawn wasslu biex Birzebbuga tellghet total ta’ 84 punt u ghalhekk giet dikjarata Rebbieha ta’ l-Aggregate Shield Kategorija B, segwita mill-Kalkara b’48 punt, l-Isla bi 28 punt u l-Marsa bi 12 il-punt, filwaqt li l-Birgu u Marsamxett ma rebhu ebda punt. Wara l-ahhar tigrija ta’ din il-Kategorija, il-Ministru Dolores Cristina ipprezentat is-Shield lis-Sur Ian Farrugia, President tal-Klabb, fost il-ferh tal-partitarji minn Birzebbuga li honqu il-parti ta’ wara id-dwana (fejn hemm il-mahzen ta Marsamxett). Wara, is-Shield flimkien mat-tazzi u l-paljijiet twasslu Birzebbuga b'carcade. Id-Dghajsa tal-Pass ‘22 ta’ Frar’ u dik tal-Midalji ‘Maria Carmela’ tnizzlu Birzebbuga permezz ta’ trailer li hekk kif wasal Birzebbuga imtela’ bil-partitarji ilkoll jaqbzu u jkantaw mal-muzika li bdiet tindaqq minn fuq it-trailer. Ic-celebrazzjonijiet baqghu ghaddejin sa tard bil-lejl.
It-Tieni post fir-Regatta ta' Jum il-Helsien (Kat B)
Wara s-success storiku tal-Vitorja 2008, id-Distrett ta’ Birzebbuga kien ghoddu ser jerga' jaghmila fir-Regatta ta’ Jum il-Helsien 2009. Dan ghaliex spicca biss zewg punti wara r-rebbieha li kienu l-Birgu. Fil-fatt il-Birgu tellghu total ta' 60 punt filwaqt li Birzebbuga rebhet 58 punt. Dawn il-punti intrebhu bit-tielet post fit-Tigrija Ta Bi Tnejn (Clayton Debono u Johan Attard), it-tielet post fil-Kajjiki (Louis Bonello u Jimmy Falzon), l-ewwel post bil-Midalji (Gino Viacava, Clayton Fiteni, Joseph Flask u Charles Gauci), it-Tielet post fil-frejgatini (Gino Viacava, Twanny Viacava u t-tmunier Leonie Azzopardi) u l-ewwel post fit-tigrija ghad-Dghajjes tal-Pass b’erba’ mqadef (Louis Bonello, Clayton Fiteni, Joseph Flask u Charles Gauci). Id-dizappunt ikompli jikber meta ninnutaw li fit-tigrija tal-frejgatini, kellhu jkun il-photo finish li jidentifika l-ordni ta' l-opri li spiccaw fl-ewwel tlett postijiet. Ma dankollhu, kien hemm arja ta' sodisfazzjon fost il-qaddiefa, l-ufficjali u l-partitarji hekk kif ghal Regatta ohra Birzebbuga kienu fost il-protagonisti.
Il-Mahzen.
Kif rajna iktar il-fuq, bejn l-1972 u l-1976, il-Kumitat ghamel minn kollox biex jinbena mahzen xieraq ghad-dilettanti tar-Regatta, izda sfortunatament il-pass finali baqa ma sarx. Din kienet l-ikbar problema li wiret il-Kumitat, li fl-2004 rega’ organizza id-Distrett ta’ Birzebbuga. Ghal l-ewwel il-Kumitat inqeda b’garaxx li kien inkera’ max-Xatt tal-Qajjenza fejn id-dghajjes kienu jigu varati minn hdejn l-impjant tal-gass. Izda wara saret rampa quddiem il-garaxx u d-dghajjes bdew jigu varati b’aktar kumdita.
Fit-2 ta’ Jannar 2006, b’kollaborazzjoni mal-Ministeru ta’ l-Infrastruttura intefghet applikazzjoni quddiem il-MEPA biex jinbnew premises u slipway biswit il-Pitch tal-Waterpolo. Izda l-Mepa, fil-31 ta’ Lulju 2006, irrifjutat din l-applikazzjoni ghaliex skond huma konnha se nzidu it-tehid tal-art miz-zona kostali. Fl-1 ta’ Settembru 2006 giet appellata din id-decizjoni, izda fis-7 ta’ Marzu 2007, il-Mepa irrifjutat ukoll ir-rikonsiderazzjoni.
Sa dan it-tant il-Kumitat kien ghadu qed jopera mill-garax tal-Qajjenza, li izda kull ma jmur dan beda jsir zghir minhabba li l-opri bdew dejjem jizdiedu. Fi Frar 2007 il-Kumitat wasal fi ftehim mal-Consortium li jmexxi il-Cottonera Waterfront biex jinkerha Mahzen f’Xatt ir-Rizq il-Birgu, kif fil-fatt sar. Dan il-Mahzen, minbarra li kien kbir hafna kien vicin ta’ slipway li minnha jvaraw il-Club tar-Regatta ta’ Bormla, u ghalhekk kien idejali ghalina. F’Marzu 2007, il-Kumitat tefa’ ghajnejh fuq mahzen li kien jaghmel parti mill-Macina, fl-Isla. Meta deher li kollox kien miexi fit-triq it-tajba, saret petizzjoni min-nies ta’ l-Isla biex dan il-mahzen ma jinaghtax lill Klabb Regatta Birzebbuga u ergajna bqajna b’xiber imnieher.
Il-Kumitat baqa juza l-mahzen f’Xatt ir-Rizq il-Birgu sakhemm fis-17 ta’ Frar 2009 ircevejna avviz minghand il-Cottonera Waterfront Consortstium biex fl-1 t’April 2009 nizgumbraw il-mahzen. Kummissjoni li twaqqfet apposta fl-2008, iffurmata mill-Ufficjali tal-Klabb, flimkien ma Emanuel Zammit, Stanley Zammit u l-Onorevoli Dr Franco Debono bdiet sensiela ta’ Laqghat mas-Segretarjat ta’ l-Isport biex il-Klabb ikollhu mahzen xieraq, fejn anki gew proposti pjanti ta’ club f’Wied il-Buni. Kif ircevejna l-avviz ta’ zgombru il-Kummissjoni kompliet tintensifika il-pressjoni biex jinstab post alternattiv. Ghall-ewwel id-Dipartiment tal-Lands offrewlna mahzen fil-Marsa, li pero kellhu hsarat strutturali kbar u ma stajniex invaraw l-opri fil-bahar.
Nhar it-3 ta’ Gunju 2009 ircevejna l-ahbar li tant konnha ilna nistennew meta s-Segretarju Parlamentari Jason Azzopardi taghna l-kelma li se jaghtina mahzen temporanju. Wara li saru il-proceduri necessarji, nhar il-Hamis, 2 ta’ Lulju 2009, l-ufficjali tal-Klabb, iffirmaw kuntratt, li bih il-Klabb inghata b’mod temporanju mahzen li qieghed f’Numru 36, Xatt ir-Rizq, Valletta. Dan il-kuntratt gie ffirmat fl-ufficju tas-Segretarju Parlamentari Jason Azzopardi, fil-Presenza tas-Sur Paul Miruzzi u Albert Mamo mid-Dipartiment tal-Lands, tas-Sur Stanley Zammit u Emanuel Zammit (Kummissjoni tal-Mahzen), kif ukoll tal-Perit Anthony Bezzina, li kien strumentali biex instab dan il-post.
Wara li saret il-manutenzjoni mehtiega fil-mahzen il-gdid, nhar l-14 ta' Awwissu 2009 bdew jingarru l-opri mill-Mahzen ta' Xatt ir-Rizq fil-Birgu ghall-Mahzen ta' Xatt Lascaris fil-Belt. Nhar it-Tnejn 17 t'Awwissu 2009 kien kollox preparat biex jibda it-tahrig ghar-Regatta tal-Vitorja 2009. Peress li domna ma bdejna it-tahrig, il-qaddiefa li kienu protagonisti ma Birzebbuga fis-sentejn li ghaddew lehhqu sabu posthom ma Distretti ohra. Ma dan kollhu, gew registrati qaddiefa godda, biex flimkien ma qaddiefa tal-Klabb (hafna minnhom Under 18), gew iffurmati l-ekwipaggi ta' Birzebbuga. Ghalkemm fir-Regatta tal-Vitorja 2009 ma ntrebah l-ebda palju, xorta wahda kien hemm arja ta' sodisfazzjon, ghaliex minkejja il-problemi kollha li ghadda minnhom il-Klabb fl-ahhar xhur, l-isem ta' Birzebbuga kien prezenti fil-kanal tal-Port il-Kbir ghall-10 darba fir-Regatta tal-Vitorja.
Ghal aktar informazjoni dwar:-
L-Ekwipaggi kollha mill-2005: ikklikja fuq il-pagna ‘Regatta tal-Vitorja’ jew ‘Regatta ta’ Jum il-Helsien’.
L-opri kollha li ntuzaw mil-ekwipaggi ta’ Birzebbuga: ikklikja fuq il-pagna ‘Generali’
Il-Paljijiet kollha li ntrebhu minn Birzebbuga: ikklikja fuq il-pagna ‘Generali’